काठमाडौं । प्रतिनिधिसभा सदस्य अरुण चौधरी जेलबाट रिहा हुनु भएको छ ।
राष्ट्रिय प्रजातन्त्र दिवसको अवसरमा सरकारको सिफारिसमा राष्ट्रपति विद्यादेवी भण्डारीबाट सजाय माफी पाए पछि उहाँ रिहा हुनु भएको हो ।
नागरिक उन्मुक्ति पार्टीका तर्फबाट कैलाली क्षेत्र नम्बर २ बाट प्रतिनिधिसभा सदस्यमा निर्वाचित चौधरी पक्राउपछि निलम्बनमा पर्नुभएको थियो । चौधरीलाई पार्टी अध्यक्ष रञ्जिता श्रेष्ठ चौधरीले अबीर र खादा ललाई स्वागत गर्नुभएको थियो ।
२०६६ भदौ ३ मा ट्याक्टर जलाएको आरोपमा २०७० वैशाख ९ गते कैलाली जिल्ला अदालतले अरुण चौधरीसहित तीनजनाविरुद्ध जनही छ महिना कैद र ८ लाख १८ हजार ४२३ रूपैयाँ पीडितलाई उपलब्ध गराउने फैसला गरेको थियो । छ महिना कैद भुक्तान नगरेको भन्दै चौधरीलाई १९ गते प्रहरीले पक्राउ गरेको थियो ।
