काठमाडौं । विश्वव्यापीरुपमा फैलिएको कोरोना महामारीका कारण बाध्यात्मक रुपमा देशभरका सिनेमा हलहरु बन्द हुन थालेका छन् ।
क्यूएफएक्स चेनको जय नेपाल हल लकडाउनपछि नै बन्द भएको थियो । कोरोनाका कारण खर्च धान्न नसक्ने भएपछि क्यूएफएक्स चेनको कमलपोखरीमा रहेको दुई अडिटोरियमको ३७ वर्षको इतिहास बोकेको कुमारी हल पनि सधैंका लागि बन्द भएको छ ।
नेपाल चलचित्र संघका अनुसार हालसम्म २२ वटा सिनेमा हल सधैंका लागि बन्द भइसकेको छ भने ३०र४० वटा सिनेमा हल पनि बन्द हुने अवस्थामा पुगेको छ ।
सिनेमा हल बन्द भएपछि हल सञ्चालकसहित करोडौं लगानी गरेर फिल्म बनाउने निर्माताले समेत ठूलो नोक्सानी ब्यहोर्नुपरेको छ ।
