काठमाडौं । सर्वोच्चले नेकपा भंग गरेर एमाले तथा माओवादी केन्द्र ब्युँत्याएपछि एमालेमा लागेका पूर्वमाओवादी नेताहरु निर्वाचन आयोगमा पुगेका छन् ।
उनीहरुले नेकपा माओवादी केन्द्र खारेजीको माग गर्दै निर्वाचन आयोगमा निवेदन बुझाएका हुन् ।
बुधबार दिउँसो आयोगको कार्यालय पुगेर लीलबहादुर थापासहितका नेताहरुले निवेदन बुझाएका छन् ।
माओवादी केन्द्र छोडेका रामबहादुर थापा, टोपबहादुर रायमाझी, लेखराज भट्ट, प्रभु साह लगायतका २३ नेता हरु रहेका छन्। उनीहरु केपी शर्मा ओलीले नेतृत्व गरेको एमाले प्रवेश गरेका थिए।
सो समूहले माओवादी केन्द्र अवैधानिक रुपमा चलेको, ९ वर्षदेखि महाधिवेशन नगरेको भन्दै दल खारेजी माग गरेका छन् ।