काठमाडौँ । नेपाली कांग्रेसका महामन्त्री गगन कुमार थापाले फागुन १० गतेभित्र ७ दलीय सत्ता गठबन्धन भत्किने दाबी गरेका छन् ।
सोमबार रुपन्देहीको क्षेत्र नम्बर–१ मा आयोजित कार्यकर्ता भेलालाई सम्बोधन गर्दै महामन्त्री थापाले ७ दलीय सत्ता गठबन्धन भत्किएर पुरानो पाँच दलीय गठबन्धन ब्युँतिने दाबी गरेका हुन् ।
उनले भने, ‘नेपाली कांग्रेस पुसको १० गते निर्माण भएको एमाले नेतृत्वको गठबन्धन फागुन १० गतेसम्म भत्किन्छ ।’
यस्तै, थापाले प्रधानमन्त्री पुष्पकमल दाहाल प्रचण्डसँग वार्ता भइरहेको र राष्ट्रपति चुनावमा कांग्रेसले प्रस्ताव गरेको उम्मेदवार निर्वाचित हुने समेत जिकिर गरे ।
