काठमाडौँ । नेत्रविक्रम चन्द (विप्लव) को पार्टीसहित चार कम्युनिष्ट पार्टीले एकताको तयारी गरेका छन् ।
विप्लव नेतृत्वको नेपाल कम्युनिष्ट पार्टी, ऋषि कट्टेलको नेपाल कम्युष्टि पार्टी, आहुती नेतृत्वको वौनिक समाजवादी कम्युनिष्ट पार्टी र कर्णजित बुढाथोकी नेतृत्वको नेकपा माओवादी समाजवादी पार्टीबीच पार्टी एकता एवं क्रान्तिकारी ध्रुवीकरणको निम्ति समय निर्धारण गरी बहस छलफल आरम्भ गर्ने र संयुक्त मोर्चालाई थप व्यवस्थित गर्ने निर्णय गरेका छन् ।
चारवटै पार्टीले शुक्रबार संयुक्त प्रेस विज्ञप्ति जारी गर्दै पार्टी एकता, संयुक्त मोर्चा र कार्यगत एकताको ठोस कार्यक्रम विकास गरी सार्वजनिक गर्न आगामी फागनु १५ गते चार पार्टीको बैठक बस्ने निर्णय भएको जनाएका छन् ।
विज्ञप्तिमा देशको वर्तमान राजनैतिक अवस्थाको विश्लेषण गर्दै स्थिति चरम संकट र गंभीर अवस्थामा रहेको निष्कर्ता निकालेको उल्लेख छ ।
