रुपन्देही । रुपन्देहीको देवदहमा विद्यार्थीलाई जबर्जस्ती करणी गर्ने शिक्षक पक्राउ परेका छन् । विद्यार्थीलाई सिकाइदिने बहानामा होटलमा लगेर जबर्जस्ती करणी गरेको आरोपमा शिक्षक पक्राउ परेका हुन् ।
जबर्जस्ती करणी गरेको अभियोगमा उजुरी परेपछि बुधवार प्रहरीले देवदह नगरपालिकाका ७ शितलनगरका ३६ वर्षीय मोहन गुरुङलाई पक्राउ गरेको हो ।
प्रहरीले दिएको जानकारी अनुसार गुरुङले माघ २० गते शुक्रवार देवदहको ढेकारस्थित होटलमा १६ वर्षीया किशोरीलाई जबर्जस्ती करणी गरेका थिए । जबर्जस्तीपछि किशोरीका अभिभावकले प्रहरीमा जबर्जस्ती करणीविरुद्ध उजुरी दिएका थिए । उजुरीपछि फरार रहेका शिक्षक गुरुङलाई प्रहरीले बुधवार दिउँसो पक्राउ गरेको छ ।
घटनाबारे थप अनुसन्धान भइरहेको प्रहरीले बताएको छ ।
