काठमाडौँ । नेपाल राष्ट्र बैंकले आन्तरिक ऋणको तालिका सार्वजनिक गर्दै चैतसम्ममा ८८ अर्ब रुपैयाँ आन्तरिक ऋण उठाउने बताएको छ ।
चालु आवको दोस्रो त्रैमासिकमा ३० अर्ब आन्तरिक ऋण उठाएको सरकारले तेस्रो त्रैमासिकमा ८८ अर्ब उठाउन लागेको हो । चालु आर्थिक वर्षभित्र सरकारले २ खर्ब ५६ अर्ब रुपैयाँ आन्तरिक ऋण उठाउने लक्ष्य राखेको छ । ती लक्ष्य पूरा गर्न उसले तीन चरणमा ऋण उठाउने योजना बनाएको छ । अर्ब चौथो त्रैमासिकमा सरकारले आन्तरिक ऋणमार्फत १ खर्ब ३६ अर्ब रुपैयाँ उठाउने योजना बनाएको छ ।
केन्द्रीय बैंकले तेस्रो त्रैमासिकमा ट्रेजरी बिलमार्फत ६० अर्ब, विकास ऋणमार्फत २५ अर्ब, नागरिक बचतपत्रमार्फत २ अर्ब ५० करोड र वैदेशिक रोजगार बचतपत्रमार्फत ५० करोड रुपैयाँ आन्तरिकण ऋण उठाउन लागेको हो ।
