अंकारा । टर्कीमा ७.८ म्याग्निच्युडको शक्तिशाली भूकम्प गएको खबर प्राप्त भएको छ । भूकम्प टर्कीको पूर्वमा रहेको गाजियनटेप प्रान्तको नूरदागीमा गएको हो । अमेरिकी भूगर्भ सर्वेक्षणका अनुसार भूकम्पपछि मध्य टर्कीमा लामो समयसम्म भूकम्पको धक्का महसुस गरिएको थियो।
BREAKING: Video shows huge fire raging in Kahramanmaraş, Turkey following M7.8 earthquake.#Turkey #Earthquake
pic.twitter.com/uJeq3DjLfj— Global News Network (@GlobalNews77) February 6, 2023
पहिलो भूकम्प पछि ६.७ म्याग्निच्युडको अर्को भूकम्प ९(९ किलोमिटर टाढा गएको थियो । पछिल्लो भूकम्प ११ मिनेटपछि गएको थियो । यस भूकम्पका कारण हालसम्म टर्की र सिरियामा २३७ भन्दा बढीको मृत्यु भइसकेको छ ।
टर्कीको कहरामनमारसमा गएको यस भूकम्पका कारण ठूलो विष्फोट भएको थियो र आगोका उच्च ज्वालाहरु उठ्न थालेका थिए । अमेरिकी भूगर्भ सर्वेक्षणका अनुसार पहिलो भूकम्प स्थानीय समय अनुसार बिहान ४ः१७ बजे गएको थियो ।
Another Video- First video is emerging after a M7.8 earthquake in central Turkey.#earthquake in #Şanlıurfa#Turkey #Earthquake pic.twitter.com/mVxNorZ0j0
— Chaudhary Parvez (@ChaudharyParvez) February 6, 2023
राजधानी अंकारालगायत टर्कीका अन्य सहरमा पनि धक्का महसुस गरिएको थियो । भूकम्पका कारण टर्कीको एउटा सपिङ मल पनि भत्किएको छ । प्यालेस्टाइन र इजरायलको बीचमा रहेको गाजा पट्टीमा पनि करिब ४५ सेकेन्डसम्म भूकम्पको धक्का महसुस गरिएको बताइएको छ ।
केही मिनेटपछि अर्को भूकम्प आयो । यस भूकम्पका कारण सिरियामा धेरै भवनहरू पनि भत्किएका छन् । मस्जिद भित्रबाट आएको तस्विरमा पनि झूमर र वरपरका स्तम्भहरू हल्लिरहेको देखिन्छ।
टर्कीको विपत् एजेन्सीले अहिलेसम्म ४४० जना घाइते भएको र उनीहरुलाई भग्नावशेषबाट बाहिर निकाल्ने काम भइरहेको जनाएको छ । राहतकर्मी र नागरिकहरूले भग्नावशेषमुनि आफ्ना प्रियजनको खोजी गरिरहेका छन्।
यस भूकम्पका कारण सिरिया र टर्की दुवैलाई ठूलो क्षति पुगेको छ । कङ्क्रिट र धातुको भग्नावशेषबाट दर्जनौँ मानिसलाई निकाल्ने काम भइरहेको छ ।
Entire buildings collapsed in S. #Turkey the epicenter of 7.8 magnitude earthquake in last hour, that also sent shockwaves to Syria, Lebanon, Iraq, Israel, Palestine, Cyprus. We don’t know death toll yet: pic.twitter.com/A7fomc3AXT
— Joyce Karam (@Joyce_Karam) February 6, 2023
केही व्यक्तिहरू आंशिकरूपमा भत्किएका अपार्टमेन्टहरूमा फसेका छन्। यी भवनहरू खतरनाकरुपमा झुकेकाले फसेका मानिसलाई छिट्टै बाहिर निकालिएन भने ठूलो दुर्घटना हुनसक्छ ।
जीएफजेड हेल्महोल्ट्ज सेन्टर पोट्सडैमका अनुसार यस भूकम्पका कारण धेरै अपार्टमेन्टहरू भत्किएका छन्। यसमा धेरै मानिसहरु गाडिएको हुनसक्ने आशंका छ । यसपछि सिरिया, इजरायल, लेबनान, इराक, इजरायल, प्यालेस्टाइन, साइप्रसमा भूकम्पको धक्का महसुस गरिएको थियो ।
सामाजिक सञ्जालमा आइरहेका भिडियोमा भूकम्पका कारण भवनहरू कस्ता छन् भन्ने प्रष्ट देख्न सकिन्छ ।
