काठमाडौँ । पूर्वकप्तान सन्दीप लामिछानेबिरुद्धको मुद्दाको सुनुवाई आज हुँदैछ । सन्दीपबिरुद्ध महान्यायाधिवक्ता कार्यालयले सर्वोच्च अदालतमा दर्ता गरेको मुद्दाको सुनुवाई आज हुन लागेको हो ।
महान्यायधिवक्ता कार्यालयले मंगलबार उच्च अदालत पाटनको आदेश बदर गर्न र लामिछानेलाई थुनामा राखेरै बलात्कार मुद्दा अघि बढाउनुपर्ने माग गर्दै पुनरावेदन दर्ता गरेको थियो ।
नाबालिग बलात्कारको अभियोग लागेका सन्दीप गत २९ पुषमा २० लाख धरौटीमा केन्द्रिय कारागारबाट रिहा भएका थिए । जिल्ला अदालतले लामिछानेलाई थुनामै बसेर मुद्दा लड्नुपर्ने आदेश गरेकोमा उनले उच्च अदालत पाटनमा निवेदन दिएका थिए । जिल्ला अदालतको आदेश बदर गर्दै उच्च अदालतले धरौटीमा थुनामुक्त गर्न आदेश दिएको थियो ।
प्रहरीले गत असोज २० गते लामिछानेलाई त्रिभुवन अन्तर्राष्ट्रिय विमानस्थलबाटै प्रक्राउ गरेको थियो ।
