भारतीय वित्तमन्त्री निर्मला सीतारमणले नयाँ आर्थिक वर्षको बजेट प्रस्तुत गर्दै वर्षमा ७ लाखसम्म आम्दानी गर्नेले कुनै कर तिर्नुनपर्ने घोषणा गर्नुभएको छ । तर सोभन्दा बढी आम्दानी भएमा सम्बन्धित कर स्ल्याबको दर लागू हुनेछ ।
यसबाहेक पुराना ७ वटा कर स्ल्याब घटाएर अहिले ५ बनाइएको छ । तर, नयाँ कर प्रणालीमा केही कमी रहेको बताइएको छ । ७ लाखसम्म आम्दानी नहुँदासम्म कर नतिर्ने भए पनि त्यसपछिको रकममा अन्योल छ । वास्तवमा वित्तमन्त्रीले आफ्नो सम्बोधनमा नयाँ कर प्रणालीमा ७ लाखसम्म कर नलाग्ने स्पष्ट पार्नुभएको छ तर उहाँले पुरानो कर प्रणालीलाई पनि कायम राख्नुभएको छ ।
पुरानो र नयाँ कर प्रणालीमा अहिलेसम्म ५ लाखसम्म कर तिर्नु नपर्ने वित्तमन्त्री सीतारमणले बताउनुभयो । नयाँ कर व्यवस्थामा यो छुट रु ५ लाखबाट बढाएर ७ लाख पुर्याइएको छ ।
नयाँ कर प्रणालीमा ७ लाखसम्म आम्दानी भएकाले शून्य कर तिर्नुपर्नेछ । यससँगै उहाँले पुरानो कर प्रणालीमा पनि परिवर्तनको घोषणा गर्नुभएको छ । पुरानो कर व्यवस्थामा दुई लाख ५० हजारको छुटलाई बढाएर तीन लाख पुर्याइएको छ ।
