काठमाडौं । नेपाली राष्ट्रिय क्रिकेट टोलीका ओपनर आसिफ शेखले आईसीसी स्प्रीट अफ क्रिकेट अवार्ड पाएका छन् ।
अन्तर्राष्ट्रिय क्रिकेट परिषद् (आईसीसी) बिहीबार आसिफले स्प्रीट अफ क्रिकेट अवार्ड पाएको घोषणा गरेको हो । आईसीसीको वार्षिक अवार्ड पाउने आसिफ पहिलो नेपाली क्रिकेटर हुन् ।
गत वर्ष फागनुमा ओमानमा भएको आयरल्यान्डविरुद्धको अन्तराष्ट्रिय सिरिजमा आयरल्यान्डका एन्डी म्याकब्रिन रन लिने क्रममा फिल्डरसँग ठोक्किएर लडेका थिए । त्यतिबेला म्याकब्रिन रन आउट हुने अवस्थामा थिए, तर आसिफले गरेनन् । त्यसैले आईसीसीले उनलाई स्प्रीट अफ द क्रिकेट अवार्ड दिएको हो ।
