काठमाडौँ । नेपाली कांग्रेसले प्रतिनिधिसभाको सभामुखमा ईश्वरी न्यौपानेलाई उम्मेदवार बनाउने भएको छ ।
न्यौपानेले आफूलाई कांग्रेस संसदीय दलको कार्यालयमा बोलाइएको जानकारी दिनुभयो । सभामुखमा उम्मेदवारीका लागि कांग्रेसले प्रतिपक्षमा रहेका दलहरुसँग छलफल गरिरहेको बताइएको छ । छलफल सकिएपछि उम्मेदवारी दर्ता गरिने बुझिएको छ ।
यसअघि कांग्रेसले सभामुखको उम्मेदवार टुंग्याउनुअघि प्रधानमन्त्री पुष्पकमल दाहाल प्रचण्डको जवाफ कुर्ने बताएको थियो । धुम्बाराहीमा बसेको पदाधिकारी बैठकमा प्रधानमन्त्री प्रचण्डसँग छलफल गरेपछि मात्र उम्मेदवारीका बारेमा टुङ्गो लाग्ने बताइएको थियो ।
पदाधिकारी बैठकअघि कांग्रेस सभापति शेरबहादुर देउवाले नेकपा ९एकीकृत समाजवादी० का अध्यक्ष माधव नेपाल र जनता समाजवादी पार्टी ९जसपां अध्यक्ष उपेन्द्र यादवसँग भेटवार्ता गर्नुभएको थियो ।
