काठमाडौं। बलात्कार सम्बन्धी मुद्दा झेलिरहेका नायक पल शाहको फैसलाका लागि मङ्गलवार पेशी तोकिएको छ।
न्यायाधीश कोमलप्रसाद आचार्यको इजलासमा हुनलागेको मुद्दा पहिलो नम्बरमै परेको छ। मुद्दामा पहिले फैसलाको बहस चल्नेछ र पछि न्यायाधीश आचार्यले निर्णय सुनाउनेछन्।
१७ वर्षीया नाबालिगले शाहविरुद्ध दुई ठाउँमा बलात्कार गरेको भन्दै जाहेरी दिएपछि नवलपुर जिल्ला अदालत र तनहुँ अदालतमा अभियोग पत्र दर्ता भएको थियो।
नवलपुर जिल्ला अदालतले शाहलाई बाल यौन दुर्व्यवहार मुद्दामा अढाई वर्ष कैद सजाय गरिसकेको छ।
