काठमाडौँ । क्रिकेटर सन्दीप लामिछानेको पुनरावेदनमा सुनुवाइ भइरहेको छ । पाटन उच्च अदालतका न्यायाधीशद्वय ध्रुवराज नन्द र रमेश ढकालको संयुक्त इजलासमा सुनुवाइ भइरहेको छ । उनको पेशी तेस्रो नम्बरमा रहेको छ ।
बलात्कार आरोपमा कारागारमा रहका लामिछानेले पाटन उच्च अदालतमा पुनरावेदन दिएका थिए । पछिल्लोपटक यही पुस २१ गते सन्दीपका वकिलले पेशी स्थगित गरेका थिए । उनको पेशी दोस्रो पटक हेर्न नभ्याइने सूचीमा परेपछि स्थगित भएको थियो ।
नाबालिगमाथि बलात्कार गरेको आरोपमा लामिछाने गत असोज २० गते पक्राउ परेका थिए । राष्ट्रिय क्रिकेट टोलीका तत्कालीन कप्तान लामिछाने अहिले केन्द्रीय कारागारमा छन् ।
