काठमाडौं । नेपाल धितोपत्र बोर्डले तीन वटा स्टक ब्रोकर कम्पनीलाई कारबाही गरेको छ । बोर्डले सनी सेक्युरिटिज, इम्पेरियल सेक्युरिटिज र त्रिसुल सेक्युरिटिजलाई कारबाही स्वरुप नगद जरिवाना तिराएको छ ।
नेपाल धितोपत्र बोर्डले तोकिएको समयमा प्रतिवेदन पेश नगरेको भन्दै सनी सेक्युरिटिज कम्पनीलाई १० हजार रुपैयाँ जरिवाना तिराएको छ । यस्तै, त्रैमासिक आर्थिक प्रतिवेदन समयमा पेश नगरेको भन्दै इम्पेरियल सेक्युरिटिज र त्रिशूल सेक्युरिटिजलाई ७५ हजार रुपैयाँ जरिवाना गराउने निर्णय गरेको नेपाल धितोपत्र बोर्डका अध्यक्ष रमेश हमालले बताए ।
त्यसैगरी, रेटिङ एजेन्सी कियर रेटिङ नेपाललाई पनि बोर्डले स्पष्टीकरण सोधेको छ । बोर्डले कियर रेटिङलाई रेटिङ नियमावली २०६८ को उल्लंघन गरी आफ्नो मुख्य सेयरधनीको रेटिङ गरेको भन्दै ऐन २०६३ को दफा १०१ को ७ अनुसार हदैसम्मको कारबाही किन नगर्ने भनी स्पष्टीकरण सोधिएको हो ।
