काठमाडौँ । नेपाली कांग्रेसले पुष्पकमल दाहाल प्रचण्ड नेतृत्वको सरकारलाई विश्वासको मत दिने भएको छ ।
मंगलबार संविधानसभा भवनको ल्होत्से हलमा बसेको पार्टीको केन्द्रिय कार्य सम्पादन समितिको बैठकले प्रधानमन्त्री पुष्पकमल दाहाललाई विश्वासको मत दिने निर्णय गरेको हो ।
सरकारलाई विश्वासको मत दिएर प्रतिपक्षमा बस्ने निर्णय केन्द्रिय कार्यसम्पादन समितिको बैठकले गरेको पार्टीका सहमहामन्त्री महेन्द्र यादवले जानकारी दिए ।
यद्यपि, बैठकमा महामन्त्रीद्धय गगनकुमार थापा र विश्वप्रकाश शर्मा भने सरकारलाई विश्वासको मत दिन नहुने पक्षमा रहेका थिए । यस्तै, नेताद्वयअर्जुनसिंह केसी र बलबहादुर केसीले पनि फरक मत राखेका थिए । केहीबेरमै बस्ने संसद बैठकमा प्रधानमन्त्री दाहालले विश्वासको मत लिँदैछन् ।
