काठमाडौँ । संसद् बैठक बस्नुअघि नेकपा (एमाले) संसदीय दलको बैठक बसेको छ ।
नयाँ बानेश्वरस्थित संघीय संसद् भवनमा बसेको संसदीय दलको बैठकमा पार्टी अध्यक्ष केपी शर्मा ओलीले संसद् बैठकमा एमाले सांसदहरुले निर्वाह गर्नुपर्ने भूमिकाबारेमा चर्चा गर्नुभएको छ ।
प्रधानमन्त्री पुष्पकमल दाहाल प्रचण्डले भोलि मंगलबार प्रतिनिधिसभामा विश्वासको मत लिँदै हुनुहुन्छ । सत्ता साझेदार दल एमालेले प्रधानमन्त्री प्रचण्डलाई विश्वासको मत दिने बताइसकेको छ ।
उहाँको नेतृत्वको सरकारलाई विश्वासको मत दिन आइतबार बसेको सत्ता साझेदार दलको बैठकले प्रतिनिधिसभा प्रतिनिधित्व गर्ने सबै राजनीतिक दलहरुलाई आह्वानसमेत गरिसकेको छ ।
