काठमाडौँ । नेकपा (एमाले)का अध्यक्ष केपी शर्मा ओलीले प्रधानमन्त्री पुष्पकमल दाहाल प्रचण्डले विश्वासको मत पाउने दाबी गरेका छन् ।
पार्टीका जनसंगठनहरुको दुई दिने तालिम कार्यक्रमलाई आइतबारर धुलिखेलमा सम्बोधनका क्रममा ओलीले यस्तो बताएका हुन् ।
ओलीले भने ‘अहिले अन्य शक्तिहरुले नचाहेको सरकार बनिरहेको छ । यो परिवर्तन चानचुने कुरा होइन, प्रधानमन्त्रीले २६ गते विश्वासको मत लिँदैछन् । तर सरकारविरुद्ध अनेक प्रयास भएका छन् । हामीले प्रधानमन्त्रीलाई विश्वासको मत दिन्छौँ । सरकार पनि टिक्छ।’
यस्तै, ओलीले देशी–विदेशी शक्तिहरूको भयानक षडयन्त्रलाई असफल पार्दै एमालेको अगुवाइमा परमादेशी गठबन्धन भत्काइएको समेत दाबी गरे । एमालेलाई सिध्यायौं भनेर दंग परे पनि एमाले भनेको रक्तबीज भएकाले यो अझ मजबुत हुने ओलीको भनाई छ ।
