नेपालको भव्य सौन्दर्य र अनुपम संस्कृति देखेर प्रभावित भएँ– नवनियुक्त चिनियाँ राजदूत

काठमाडौँ । नेपालका लागि नवनियुक्त चिनियाँ राजदूत छन सोङले नेपाली जनता र माया र न्यानोपनबाट आफू प्रभावित भएको बताउनुभएको छ ।

राजदूत सङ आफ्नो कार्यभार सम्हाल्न आज काठमाडौँ आइपुग्नुभएको हो । काठमाडौँ आउनासाथ उहाँले एक ट्विट गर्दै नेपालको भव्य सौन्दर्य र अनुपम संस्कृति देखेर आफू छक्क परेको बताउनुभएको छ ।

उहाँले नेपालमा २२औँ चिनियाँ राजदूतका रुपमा काम गर्न पाउनु आफ्ना लागि सौभाग्य र ठूलो सम्मानको कुरा भएको बताउनुभयो ।

उहाँले गर्नुभएको ट्विट यस्तो छ –

नेपालमा २२औँ चिनियाँ राजदूतको रूपमा काम गर्न पाउनु मेरो लागि सौभाग्य र ठूलो सम्मानको कुरा हो। आज काठमाडौं आइपुगेको, यहाँको भव्य सौन्दर्य र अनुपम संस्कृति देखेर म छक्क परें, र जनताको दया र न्यानोपनबाट प्रभावित भएँ।