काठमाडौँ । कम्बोडियामा निधन भएका निराकार पाण्डेको शव ल्याउन सरकारले आर्थिक सहयोग गर्ने भएको छ ।
बिहीबार बसेको मन्त्रिपरिषद् बैठकले सो निर्णय गरेको हो ।
गत बिहीबार राति कम्बोडिया र थाइल्यान्डको सिमानानजिकै रहेको पोइपेटस्थित एक क्यासिनोमा भएको भीषण आगलागीमा परी ४० वर्षीय पाण्डेको मृत्यु भएको थियो ।
आगलागी हुँदा क्यासिनोको १२ औं तलामा फसेका पाण्डेले ज्यान जोगाउन हाम फाल्दा मृत्यु भएको थियो।
कम्बोडियामा पर्ने ग्रान्ड डायमन्ड सिटीको भवनमा आगलागी हुँदा उनीसहित २४ जनाले ज्यान गुमाएका थिए ।
