काठमाडौं । पहिलो संस्करणको नेपाल टी–२० लिगमा पोखरा एभेन्जर्सलाई ६ विकेटले पराजित गर्दै जनकपुर रोयल्स प्लेअफमा पुगेको छ ।
किर्तीपूरको टियु मैदानमा भएको खेलमा जनकपुरले जितको लागि पोखराबाट पाएको ६९ रनको लक्ष्य ६६ बल अगाबै ४ विकेट गुमाएर पूरा गर्यो ।
जनकपुरको जितको लागि सरफुदिन असरफले २७ बलमा ३७ रन बनाए भने कप्तान ट्राभोन ग्रिफिथ १७ रनमा आउट भए । यस्तै पवन सराफ ४ रनमा अविजित रहे भने असन प्रियरन्जन र दिलिप नाथले समान १/१ रन बनाए ।
बलिङतर्फ पोखराबाट कुशल मल्लले ३ विकेट लिए भने असिथा फर्नान्डोले १ विकेट लिए ।
पहिले ब्याटिङ गरेको पोखराले भने १२ ओभरमा अलआउट हुँदै ६८ रन बनायो । पोखराका लागि सिद्धान्त लोहनी १७ रनमा आउट भए । आसिफ शेख र कुशल मल्लले भने समान १६र१६ रन बनाए । पोखराका अन्य ब्याटरले दोहोरो अंकमा रन बनाउँन सकेनन् ।
बलिङमा जनकपुरका लागि सोमपाल कामीले ३ विकेट लिए भने सरफुदिन असरफ र ललित नारायण राजवंशीले समान २र२ विकेट लिए ।
नौ खेलमा ६ जित तथा ३ हार हात पारेको जनकपुर प्लेअफमा स्थान बनाउँने दोस्रो टोली भएको छ । यस अघि लुम्बिनी अल स्टार प्लेअफ पुगि सकेको छ ।
आज दिउसो १ बजे बाट सुरु हुने अर्को खेलमा काठमाडौं नाईट्स र फार वेस्ट युनाईटेड भिड्दैछन्।
यस लिगमा काठमाडौं नाइट,पोखरा एभेन्जर्स,फार वेस्ट युनाईटेड,जनकपुर रोयल्स,विराटनगर सुपर किंग्स र लुम्बिनी अल स्टार रहेका छन् ।
