काठमाडौँ । कञ्चपुरकी १३ वर्षीया बालिका निर्मला पन्तको बलात्कारपछि हत्या प्रकरणको अनुसन्धान गर्न गठित टोली कञ्चनपुर पुगेको छ । अनुसन्धान टोलीका संयोजक डीआईजी दुर्गा सिंह कञ्चनपुर पुगेकाी छन् भन् अन्य सदस्य कञ्चनपुर जाने तयारीमा रहेको प्रहरी स्रोतले जनाएको छ ।
केन्द्रीय अनुसन्धान ब्युरो (सीआईबी)का जुनियर प्रहरी अफिसरको एक टोली कञ्चनपुरमै बसेर उक्त घटनाको अनुसन्धान गरिरहेको छ ।
गृहमन्त्रीमा नियुत्त, भएसँगै आफ्नो पहिलो निर्णयमा नै रवि लामिछानेले पन्तलाई न्याय दिन अधिकतम पहल गर्ने बताएका थिए । उपप्रधानमन्त्रीसमेत रहेका लामिछानेकै निर्देशनपछि प्रहरी हेडक्वाटरले सिंहको नेतृत्वमा पाँच सदस्यीय अनुसन्धान समिति गठन गरेको थियो ।
समितिमा सिंहसँगै सीआईबीकै एसपी कमल थापा, इन्सपेक्टर हिरेन्द्र रोकाय र दुई जना मनोचिकित्सक छन् । २०७५ साउन ९ गते साथीको घरमा पढ्न भनेर गएकी निर्मला भोलिपल्ट उखुबारीमा मृत भेटिएकी थिइन् । उनको बलात्कार गरी हत्या गरिएको अनुसन्धानबाट खुले पनि अहिलेसम्म हत्यारा पत्ता लाग्न सकेको छैन ।
