काठमाडौं । कार दुर्घटनामा परी भारतीय क्रिकेट टिमका विकेटकिपर/ ब्याट्सम्यान ऋषभ पन्त गम्भीर घाइते भएका छन् ।
पन्त सवार कार शुक्रबार उत्तराखण्डको रुर्कीमा डिभाइडरमा ठोक्किंदा दुर्घटनाग्रस्त भएको हो ।
२५ वर्षीय क्रिकेटर पन्त दिल्लीबाट आफ्नो गृहनगर उत्तराखण्डतर्फ जाँदै थिए । उनको कार डिभाइडरमा ठोक्किएर आगो लागेको बताइएको छ । दुर्घटनामा उनको टाउको, ढाड र खुट्टामा चोट लागेको भारतीय सञ्चार माध्यमले लेखेका छन् ।
दुर्घटनामा परी गम्भीर घाइते बनेका उनको रुडकी सिभिल अस्पतालबाट थप उपचारको लागि देहरादुनको म्याक्स अस्पतालमा सारिएको छ ।
