काठमाडौँ । नेपाली कांग्रेसका नेता डा शेखर कोइरालाको सम्पर्क कार्यालय बालुवाटारमा संस्थापन इतर समूहको बैठक बसिरहेको छ ।
पाँच दलीय गठबन्धन भंग भएर सत्ता समीकरण परिवर्तन भएसँगै अहिले संस्थापन र इतर पक्षबीच एकआपसमा आरोपप्रत्यारोप चलिरहेको छ । यही पुस २२ गते बस्ने केन्द्रीय समितिको बैठकमा प्रस्तुत हुने एजेण्डबारे बैठकमा छलफल भइरहेको बताइएको छ ।
इतर समूहको बैठकमा उपसभापति धनराज गुरुङ, डा शेखर कोइराला, महामन्त्री गगन थापा, मीनेन्द्र रिजाल, अर्जुननरसिंह केसीलगायतका नेता सहभागी हुनुहुन्छ ।
पाँच दलीय गठबन्धन भंग भएसँगै नेपाली कांग्रेस संघदेखि प्रदेशसम्म सरकार बाहिर पुगेको छ । केन्द्रीय समितिको बैठकमा इतर समूहले सभापति शेरबहादुर देउवाको राजीनामा माग्नेसम्मको तयारी गरेको बताइएको छ ।
