जनकपुरधाम । जनकपुर-जयनगर रेल चढ्ने क्रममा सोहि रेलले किचिएर एक यात्रुको मृत्यु भएको छ ।
विदेह नगरपालिकाको बैदेही स्टेशनमा रेलमा चढ्ने क्रममा खसेपछि किचिएर धनुषाको नगराईन नगरपालिका राघवपुरका ३५ वर्षीय पुरन सदायको मृत्यु भएको हो ।
रेल चढ्न खोज्दा लिकमा खसेका पुरनको हात काटिनुको साथै टाउकोमा समेत चोट लागेको धनुषा प्रहरीले जनाएको छ ।
गुडिरहेको रेलमा चढ्न खोज्दा उनको मृत्यु भएको नेपाल रेल्वे कम्पनीका महाप्रबन्धन्क निरञ्जन झाले बताए ।
