काठमाडौँ । दाइजोको निहुँमा घरबाट निकालिएकी नेहा चौधरीका ससुराले आफ्ना छोरा पंकजलाई छुटाउन अदालतमा मुद्दा दायर गरेका छन् ।
ससुरा रामप्रवेश चौधरीले छोरा डा पंकज चौधरीलाई छुटाउन बन्दी प्रत्यक्षीकरण मुद्दा दर्ता गराएका हुन् । घरेलु हिंसा गरेको आरोपमा नेहाले जिल्ला अदालत महोत्तरीमा श्रीमान् पंकजसहित सासू ससुराविरुद्ध मुद्दा दर्ता गराएकी थिइन् । नेहाको मुद्दा दर्ता भएसँगै प्रहरीले पंकजलाई पक्राउ गरी हिरासतमा राखेको छ ।
नेहाले श्रीमान् पंकज, सासूससुरासहित उनका परिवारका छ जनाविरुद्ध घरेलु हिंसा र दाइजोविरुद्धको मुद्दा दर्ता गराएपछि पंकजबाहेक अरु सबै फरार छन् ।
यद्यपि फरार रहेकै अवस्थामा ससुरा रामप्रवेशले छोरालाई छुटा बन्दी प्रत्यक्षीकरण मुद्दा दर्ता गराएका छन् ।
