काठमाडौँ । गृह मन्त्रालयले प्रधानन्यायाधीश चोलेन्द्र शमशेर जबरालाई सर्वोच्च अदालतमा प्रवेश गर्न नदिन निर्देशन दिएको छ ।
मन्त्रालयले प्रहरी प्रधान कार्यालयलाई जबरा बालुवाटारबाट आएर सर्वोच्चमा प्रवेश गर्न खोजे रोक्न निर्देशन दिएको हो ।
गृहको उक्त निर्देशनपछि प्रहरी प्रधान कार्यालयले सर्वोच्च अदालत क्षेत्रमा तैनाथ सुरक्षाकर्मीलाई चोलेन्द्रलाई रोक्न सर्कुलर पठाएको छ ।
बुधबार मात्रै संघीय संसद्का महासचिवले जबरालाई निलम्बन फुकुवाको पत्र दिएका थिए । पत्र प्राप्तपछि जबरा सर्वोच्च निस्किने तयारीमा थिए । यता, जबराको उक्त तयारीसँगै कानुन व्यवसायीहरूले भने सर्वोच्चमा धर्ना दिएका छन् ।
