धनगढी । कैलालीको घोडाघोडी नगरपालिकामा वडाध्यक्षले प्रमुख प्रशासकीय अधिकृतको सरकारी निवास तोडफोड गरेका छन् ।
शनिबार राति प्रमुख प्रशासकीय अधिकृत दिपककुमार आचार्यको सरकारी निवासमा मदिरा सेवन गरी आपसमा विवाद हुँदा उनीहरुबीच हात हालाहालसम्मको अवस्था सिर्जना भएको थियो ।
मेयर खड्कबहादुर रावत र प्रशासकीय अधिकृत आचार्यबिच विवाद हुँदा संगैरहेका वडानम्बर १ का वडाध्यक्ष घनश्याम ओझाले लात्ताले हानि टेबुल फुटाएका हुन् ।
प्रहरीकाअनुसार राति अबेरसम्म उनीहरुले सुखड बजारमा रहेको माछा घर रेष्टुरेन्टमा मदिरा सेवन गरेका थिए र त्यहाँबाट निस्केर प्रमुख प्रशासकीय अधिकृत आचार्यको सरकारी निवासमा गएका थिए ।
इलाका प्रहरी कार्यालय सुखडका अनुसार घटनाबारे आधिकारीक रुपमा जानकारी प्राप्त नभए पनि अधिकृतको निवासमा मदिरा सेवनपछि वादविवाद भएको सुनिएको बताए । प्रहरीले केहीबेरमा पत्रकार सम्मेलन गरेर विस्तृत विवरण बाहिर ल्याउने जानकारी दिए ।
