एजेन्सी । अजय देवगन स्टारर फिल्म ‘दृश्यम २’ ले एक सातामै सय करोड कमाएको छ । फिल्मले रिलिजको सातौं दिनमा ८.६२ करोड कलेक्सन गरेको छ ।
यसरी फिल्मको कुल कमाई १०४.६६ करोड पुगेको हो । यो वर्ष बलिउडका लागि निकै निराशाजनक रह्यो । बक्स अफिसमा राम्रो कमाइ गर्ने फिल्म कमै छन् । अब दृश्यम २ पनि यो सूचीको हिस्सा बनेको छ ।
फिल्मको पछिल्लो कलेक्शन शेयर गर्दै फिल्म ट्रेड एनालिस्ट तरण आदर्शले आफ्नो सामाजिक सञ्जाल अकाउन्टमा लेखेका छन् – ‘दृश्यम २ नटआउट, पहिलो हप्तामा फिल्मले राम्रो कमाई गरेको छ, अब सबैको नजर दोस्रो हप्तामा छ ।
शुक्रबार १५.३८ करोड, शनिबार २१.५९ करोड, आइतबार २७.१७ करोड, सोमबार ११.८७ करोड, मंगलबार १०.४८ करोड, बुधबार ९.५५ करोड, बिहिबार ८.६२ करोड। कुल १०४.६६ करोड।’
करिब ६० करोडको बजेटमा बनेको दृश्यम २ ले रिलिज भएको सात दिनमै आफ्नो बजेटभन्दा झण्डै दोब्बर नाफा कमाएको छ । चलचित्रले अहिले पनि हलमा राम्रो कलेक्सन गरिरहेको छ ।
अभिषेक पाठकले निर्देशन गरेको यस फिल्ममा अजय देवगन, तब्बु, श्रेया सरन र अक्षय खन्नाको मुख्य भूमिका रहेको छ । फिल्मको पहिलो भाग निशिकान्त कामतले निर्देशन गरेका थिए तर कोभिडको समयमा उनको मृत्यु भएको कारण फिल्मका निर्माता अभिषेक पाठकले निर्देशनको जिम्मेवारी समेत लिएका थिए ।
