विराटनगर । नेकपा (माओवादी केन्द्र) का अध्यक्ष पुष्पकमल दाहाल प्रचण्डले मंसिर ४ गते आम निर्वाचनमात्र नभई जनमत संग्रह भएको बताउनुभएको छ ।
मोरङको क्षेत्र नं ६ मा पर्ने सुन्दरहरैचामा आयोजित चुनावी सभामा उहाँले आसन्न निर्वाचन अग्रगमन र पश्चगमन रोज्ने जनमत संग्रह भएको बताउनुभयो । उहाँले नेकपा (एमाले) ले पश्चगमनको नेतृत्व गरेको आरोप लगाउनुभयो ।
सो निर्वाचन क्षेत्रबाट अध्यक्ष प्रचण्डका ज्वाइँ जीवन आचार्य गठबन्धनका तर्फबाट उम्मेदवार हुनुहुन्छ । अध्यक्ष प्रचण्डले गठबन्धन अग्रगमनको पक्षमा रहेको भन्दै गठबन्धनका उम्मेदवारलाई जिताउन आग्रह गर्नुभयो ।
