काठमाडौँ । नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले सत्ता गठबन्धनमा आवद्ध दलका चुनावी घोषणापत्रको आलोचना गरेका छन् ।
सोमबार चितवनमा भएको चुनावी सभालाई सम्बोधन गर्दै ओलीले सत्ता गठबन्धनले जनता झुक्याउनका लागि मात्रै घोषणापत्र ल्याएको टिप्पणी गरेका हुन् ।
यस्तै अध्यक्ष ओलीले मंसिर ४ को निर्वाचनपछि आफ्नो नेतृत्वको सरकार बन्ने दाबी गर्दै ओलीले एमालेले गर्ने काम घोषणापत्रमार्फत प्रष्ट भनिसकेको बताए ।
ओलीले भने, ‘चुनावपछि पनि गठबन्धन रहन्छ रे । सबैले बेग्लाबेग्लै घोषणापत्र ल्याएका छन् । एउटा भन्छ गणतन्त्र नभई हुँदैन अर्को गणतन्त्र सुन्नै मान्दैन ।’
ओलीले देश बनाउने एमालेको घोषणापत्र मात्रै भएको जिकिर समेत गरे । गठबन्धन सरकाले ध्वस्त पारेको अर्थतन्त्रलाई एमालेको नेतृत्वमा सरकार बनेपछि उकास्ने ओलीको भनाई छ ।
