काठमाडौँ । नेकपा (एमाले) का अध्यक्ष केपी शर्मा ओलीले सत्ता गठबन्धनले एमालेलाई एक्लो भयो भनेर प्रचार गरेपछि राष्ट्रिय प्रजातन्त्र पार्टी (राप्रपा) र जनता समाजवादी पार्टी (जसपा) सँग चुनावी तालमेल गरेको बताउनुभएको छ ।
धरानमा शुक्रबार आयोजित चुनावी कार्यक्रममा उहाँले एमालेलाई एक्लै नरहेको प्रमाणित गर्नका लागि पनि ती दुई पार्टीसँग चुनावी तालमेल गरिएको स्पष्ट गर्नुभयो ।
उहाँले एमालेले विदेशीको इशारामा नचल्ने पार्टीसँग तालमेल गरेको उल्लेख गर्दै भन्नुभयो, “नेपाली कांग्रेस र नेकपा ९माओवादी केन्द्र० ले बारम्बार एमाले एक्लै छ भनेपछि हामी एक्लो छैनौँ भन्ने देखाउन पनि विदेशीको इशारामा नचल्ने पार्टीसँग तालमेल गरेका हौँ ।”
अध्यक्ष ओलीले सत्ता गठबन्धनबाट बाहिरिएपछि जसपासँग सहकार्य गरिएको उल्लेख गर्दै एमालेसँग तालमेल गरेपछि जसपा र राप्रपा राष्ट्रिय पार्टी बन्ने दाबी गर्नुभयो ।
