विराटनगर । नेपाली कांग्रेसले मोरङ ३ को प्रदेशसभा निर्वाचन क्षेत्र नं १ मा मानबहादुर लिम्बूलाई उठाउने तयारी गरेको छ । यसअघि उम्मेदवार रहेका शेखरचन्द्र थापाको निधन भएपछि कांग्रेसले लिम्बूलाई उम्मेदवार बनाउने तयारी गरेको हो ।
महाधिवेशन प्रतिनिधि रहेका लिम्बूलाई उठाउने तयारी भएको तर केन्द्रबाट चिठी आइनसकेको मोरङका कांग्रेस सचिव मोदराज घिमिरेले जानकारी दिनुभयो ।
आज उम्मेदवार मनोनयन दर्ता गराएका उम्मेदवारविरुद्ध दाबी विरोधलगायतका प्रक्रिया पूरा गरेर शुक्रबार अन्तिम नामावली प्रकाशन गर्ने तयारी निर्वाचन आयोगको छ ।
प्रदेश १ का वन वातावरण तथा भूसंरक्षणमन्त्री समेत रहेका सो क्षेत्रका उम्मेदवार थापाको उपचारका क्रममा विराटनगरस्थित नोबेल अस्पतालामा बुधबार निधन भएको थियो ।
