डडेल्धुरा । आसन्न प्रतिनिधिसभा र प्रदेशसभा निर्वाचनमा डडेल्धुरामा नेपाली कांग्रेसका दुई पूर्वजिल्ला सभापतिले कर्ण मल्ललाई समर्थन गर्ने घोषणा गरेका छन् ।
पूर्वजिल्ला सभापति शेरबहादुर ढाँट र रामचन्द्र चटौतले पार्टी केन्द्रीय सभापति एवं प्रधानमन्त्री शेरबहादुर देउवाको साथ छोडेका छन् । डडेल्धुरामा प्रधानमन्त्री देउवा प्रतिनिधिसभाकाउम्मेदवारसमेत रहनुभएको छ ।
दुवै पूर्वजिल्ला सभापतिले संयुक्त विज्ञप्ति निकाल्दै डडेलधुरामा कांग्रेस र शेरबहादुर देउवाका नामबाट केही सीमित व्यक्तिले आम जनतामाथि अन्याय गरेको आरोप लगाएका छन् । विज्ञप्तिमा जनताकै मत प्राप्त गरी अन्याय, अत्याचार, शोषण र दमन गरेकाले प्रतिनिधिसभामा कर्ण मल्ल र प्रदेशसभामा ताराप्रसाद जोशीलाई जिताउने बताएका छन् ।
डडेल्धुरामा कांग्रेसका पूर्वजिल्ला सभापतिसमेत रहेका मल्ल यसपटक कांग्रेस विपीबाट उम्मेदवार भएका छन् ।
