काठमाडौँ । निर्वाचन आयोगले नेकपा (माओवादी केन्द्र) का अध्यक्ष पुष्पकमल दाहाल प्रचण्डको स्पष्टीकरण चित्तबुझ्दो नभएको बताएको छ । उम्मेदवारी दर्ता गर्ने बेला बाजा बजाएको विषयमा आयोगले अध्यक्ष प्रचण्डसँग स्पष्टीकरण सोधेको थियो ।
अध्यक्ष प्रचण्डको उम्मेदवारी दिने बेला गत असोज २३ गते बाजागाजा बजाइएको थियो । सो सम्बन्धमा अध्यक्ष प्रचण्डबले कसले बाजा बजाएको हो भन्नेबारे आफूलाई कुनै जानकारी नभएको स्पष्टीकरण दिनुभएको थियो ।
आयोगले भने स्पष्टीकरण चित्तबुझ्दो नभएको भन्दै त्यसमा को को व्यक्ति संलग्न थिए रु प्रचण्डले लग्नुभएको हो होइन भन्नेबारे खोजबिन गर्न मुख्य निर्वाचन अधिकृत र प्रमुख जिल्ला अधिकारीलाई निर्देशन दिएको छ ।
