काठमाडौँ । नेकपा एमालेका अध्यक्ष एवं पूर्वप्रधानमन्त्री केपी शर्मा ओलीसँग प्रत्यक्ष टेलिफोन संवाद गर्नका लागि १ लाख ७१ हजार ७ सय ८३ जनाले नाम र नम्बर टिपाएका छन् ।
ओलीको सचिवालयका अनुसार धेरै सहभागिता भएकाले आज १२ बजेपछि नाम टिप्न बन्द गरिएको जनाएको छ । अध्यक्ष ओलीले चुनावका सन्दर्भमा सर्वसाधारणका सुझाव लिन भन्दै मंगलबार साँझ नाम र नम्बर टिपाउन आग्रह गरेका थिए ।
ओलीको सचिवालयले यो उत्साहपूर्ण सहभागिताका लागि मुरीमुरी धन्यवाद। दिदै भोलि कुराकानी हुने र त्यसका लागि तयार रहेको जनाएको छ ।
