काठमाडौं । संघिय संसदको प्रतिनिधिसभामा प्रमुख प्रतिपक्ष दल नेकपा एमाले अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल प्रचण्डबीच जुहारी भएको छ ।
गत साउन ५ गते प्रतिनिधिसभामा प्रचण्डले भनेका थिए, "मैले त पटकपटक भन्थे, आगोसँग खेल्नु राम्रो हुँदैन । राम्रोसँग आगोलाई एउटा इनर्जीमा परिणत गर्ने भनेर ल्याइएछ । अहिले तपाईहरुले हेर्नुभयो भने यसलाई हेप्ने अपमानित गर्न थाल्नुभयो भने आगो फेरि सल्किनसक्छ ।"
यसको जवाफमा अध्यक्ष ओलीले आज (मंगलबार)को बैठकमा प्रचण्डतर्फ इंगित गर्दै भने, "उहाँ आगो हो थाहा छ डढेलो लगाउनुहुन्छ, तर एक दुई बाल्टी पानीले निभाएको पनि सम्झना रहोस् । यस्तो डढेलो निभाउन हामीलाई पनि आउँछ । यस्ता आगो निभाउन पानी खन्याउनुपर्छ ।"
