रुपन्देही । नेकपा (माओवादी केन्द्र)का बुटवल उपमहानगर कमिटी सदस्य विष्णुसिंह ठकुरी नेकपा एमालेमा प्रवेश गरेका छन् ।
लामो समय माओवादी केन्द्रमा आवद्ध रहेका ठकुरी सो पार्टीले आफ्नो लक्ष्य र उद्देश्य पूरा गर्न नसक्ने ठहर गर्दै आज मंगलबार एमालेमा प्रवेश गरेको उनले जनाएका छन् ।
वामपन्थी सरकार ढालेर दक्षिणपन्थी शक्तिहरुसँग साँठगाँठ गर्दै माओवादीले सिंगो कम्युनिष्ट आन्दोलनकै विसर्जन गर्ने खलनायकको भूमिका निर्वाह गरेको कारण सो पार्टीमा रहिरहन आफ्नो स्वाभिमानले नदिएको र मुलुकको कम्युनिष्ट आन्दोलनको नेतृत्व गर्ने, स्वाधिनताको रक्षा कवच एमाले मात्र रहेको ठहर गर्दै आजैदेखि एमाले प्रवेश गरेको ठकुरीले बताएका छन् ।
यस्तै, उनीसँगै २ नं. शाखा कमिटी सचिव ईतेन्द्रकुमार बझ्राचार्य पनि माओवादी छाडेर एमालेमा प्रवेश गरेको एमाले उपाध्यक्ष विष्णु पौडेलका स्वकीय सचिव यम पाण्डेले जानकारी दिए ।
