काठमाडौँ । प्रधानमन्त्री एवं नेपाली कांग्रेसका सभापति शेरबहादुर देउवाले तरुण दलका अध्यक्ष विद्वान गुरुङलाई गठबन्धनका उम्मेदवार जिताउने अभियानमा लाग्न निर्देशन दिनुभएको छ ।
सरकारी निवास बालुवाटारमा भेट्न पुगेका गुरुङलाई देउवाले यस्तो निर्देशन दिनुभएको हो । भेटमा गुरुङले नजिकिँदै गएको प्रतिनिधि सभा र प्रदेश सभा निर्वाचनमा सम्पूर्ण तरुण शक्ति परिचालित गर्ने जानकारी गराउनुभएको थियो ।
केही दिनमै आफू देश दौडाहामा निस्किने बताउँदै उहाँले हरेक निर्वाचन क्षेत्रमा पुगेर उम्मेदवार जिताउन रणनीतिसहित अघि बढ्ने समेत जानकारी गराउनुभयो ।
यता, प्रधानमन्त्री देउवाले अध्यक्ष गुरुङलाई चुनाव जिताउन लाग्न निर्देशन दिनुभयो । देउवाले भन्नुभयो ‘लाग लाग उम्मेदवार जिताउन लाग ।’
