काठमाडौं । अमेरिकी सहयोग परियोजना एमसीसीबारे सभामुख सापकोटाले आफ्नो धारणा व्यक्त गर्नुभएको छ ।
बुधबार आफ्नै कार्यकक्षमा सञ्चाकर्मीहरुसँग कुरा गर्दै सभामुख सापकोटाले आफू सिन्धुपाल्चोकको जुगल गाउँपालिका गएका बेला एक जना स्थानीयले तामाङ भाषामा कुराकानी गर्दै एमसीसी पारित गर्न नहुने बताएको उल्लेख गर्नुभयो ।
यदि राष्ट्रिय सहमति हुन नसके पनि संसदमा भएका दलहरुबीच सहमति हुनुपर्ने र त्यो पनि नभए सत्ता गठबन्धनमा रहेका दलहरुबीच सहमति हुनुपर्ने उहाँको भनाई छ ।
उहाँले एमसीसीमा राष्ट्रिय सहमति हुनुपर्ने पनि बताउनुभयो ।
अमेरिकी सहयोग परियोजनासम्बन्धी सम्झौता अनुमोदनका लागि संसदमा विचाराधीन रहेको छ ।