काठमाडौं । नेकपा एकीकृत समाजवादीबाट बागी उम्मेदवारी दिएका २२ जनाले नाम फिर्ता लिएका छन् ।
पार्टीले बुधबार गठबन्धनको सहमतिविपरीत उम्मेदवारी दिएका आफ्ना नेता तथा कार्यकर्तालाई उम्मेदवारी अविलम्ब फिर्ता लिन निर्देशन दिएको थियो । उक्त निर्देशनपछि २२ जनाले उम्मेदवारी फिर्ता लिएका हुन् ।
प्रतिनिधि सभातर्फ ४ जना र प्रदेशसभातर्फ १८ जनाले उम्मेदवारी फिर्ता लिएको अध्यक्ष माधवकुमार नेपालले एक विज्ञप्ति जारी गर्दै जानकारी दिएका छन् । यद्यपि, केन्द्रबाटै उम्मेदवारी खारेजको पत्र ढिलो पुग्दा कतिपय उम्मेदवारी भने कायमै रहेको छ ।
