काठमाडौं । विवेकशील साझा पार्टीले काठमाडोैँ क्षेत्र नं.१मा अन्तराष्ट्रिय नेपाली टोपी दिवस अभियन्ता तथा उद्यमी शंकर बन्जाडेलाई उम्मेदवारबनाएको हो।
आज निर्वाचन कार्यालय काठमाडोैँ क्षेत्र नं.१ पुगेर अभियन्ता बन्जाडेले उम्मेदवारी दर्ता गराएका हुन। शंकर बन्जाडे नेपाली अन्तराष्ट्रिय नेपाली टोपी दिवस अभियानका संस्थापक अभियानकर्मी हुन।
लामो समय अन्तराष्ट्रिय नेपाली राष्ट्रिय टोपी प्रबर्धनमा अग्रणी भुमिका निर्वाह गरेका बन्जाडे सफल युवा उद्यमी पनि हुन। राजनीति शास्त्र र बाणिज्य शास्त्रमा स्नातकोत्तर गरेका बन्जाडे नीति निर्माण तहमा सक्षम र इमानदार युवाहरुको हस्तक्षेप अत्यावश्यक भएको भन्दै बैकल्पिक राजनीतिमा जोडिएका हुन।
विभिन्न संघ संस्थामा आबद्ध भएर समाजसेवामा कृयाशील बन्जाडे भ्रष्टाचार विरोधी अभियन्ता समेत हुन।
