एजेन्सी । उत्तर कोरियाले पुनः ब्यालेस्टिक मिसाइल परीक्षण गरेको छ । दक्षिण कोरियाली सेनाले यो जानकारी दिएको हो ।
दक्षिण कोरियाली सेनाले दिएको बयानमा उत्तर कोरियाले पूर्वी तटतर्फ समुन्द्रमा मिसाइल प्रहार गरेको एवं प्योङयाङबाट १०० किलोमिटर टाढा यो मिसाइल परीक्षण गरेको जनाइएको छ ।
यो परीक्षण अमेरिका र दक्षिण कोरियाको संयुक्त सैन्य अभ्यासको बीचमा गरिएको हो । मिडिया रिपोर्टका अनुसार यो परीक्षणको कारण दक्षिण कोरिया र अमेरिकाबीचको घनिष्ठ सम्बन्ध रहेको छ । अमेरिकाकी उपराष्ट्रपति कमला ह्यारिस छिट्टै दक्षिण कोरियाको भ्रमणमा जाँदैछन् ।
उनको दक्षिण कोरिया आउने मिति तय भइसकेको छैन, तर रिपोर्टका अनुसार उनी जापानका पूर्व प्रधानमन्त्री शिन्जो आबेको राजकीय अन्त्येष्टिमा सहभागी भएर सेप्टेम्बर २७ मा दक्षिण कोरिया जानेछिन् ।
आणविक र ब्यालेस्टिक किलर परीक्षण गरेको भन्दै संयुक्त राष्ट्रसंघले उत्तर कोरियामाथि प्रतिबन्ध लगाएको छ । अर्को अर्थमा भन्दा उत्तर कोरियाले आणविक र ब्यालिस्टिक मिसाइल परीक्षण गर्न सक्दैन । यसका बाबजुद पनि लगातार मिसाइल परिक्षण भइरहेको छ । यसअघि मे महिनामा पनि मिसाइल परीक्षण गरिएको थियो ।
