काठमाडौँ । राष्ट्रिय प्रजातन्त्र पार्टी नेपालका अध्यक्ष कमल थापाले दुबै सदनबाट पारित भएर आएको नागरिकता विधेयक राष्ट्रपतिबाट प्रमाणिकरण नभएकोमा समर्थन जनाउनुभएको छ ।
अध्यक्ष थापाले सामाजिक सञ्जालमार्फत नागरिकता विधेयक प्रमाणीकरण नगर्ने राष्ट्रपतिको निर्णय स्वभाविक रहेको बताउँदै संविधान संरक्षकको जिम्मेवारी निर्वाह भएको प्रतिक्रिया दिनुभएको हो ।
यस्तै, उहाँले राष्ट्रपतिको निर्णय राष्ट्रहित अनुकुल रहेको र संविधान संरक्षकको जिम्मेवारी निर्वाह भएको समेत बताउनुभएको छ ।
उहाँले ट्वीटरमा लेख्नुभएको छ – प्रादेशिक पहिचानसहितको नागरिकता,महिलाहरूको लैंगिक हकको कार्यान्वयन,वैवाहिक अंगीकृत नागरिकता सम्बन्धमा संविधानअनुकूल संशोधन नगरिएको नागरिकता विधेयक प्रमाणीकरण नगर्ने राष्ट्रपतिको निर्णय स्वभाविक छ।राष्ट्रपतिको निर्णय राष्ट्रहित अनुकुल छ।संविधान संरक्षकको जिम्मेवारी निर्वाह भएको छ।
सङ्घीय संसद्प्रतिनिधिसभा र राष्ट्रियसभा)ले दुई पटक पारित गरेको नेपाल नागरिकता ऐन, २०६३ लाई संशोधन गर्न बनेको विधेयक निर्धारित समयभित्र प्रमाणिकरण हुन सकेन ।
सभामुख अग्प्रिसाद सापकोटाले पछिल्लो पटक उक्त विधेयक गत भदौ २० गते प्रमाणित गरी राष्ट्रपति विद्यादेवी भण्डारीसमक्ष प्रमाणिकरणका लागि पठाउनुभएको थियो । नेपालको संविधानअनुसार राष्ट्रपतिले प्रमाणिकरण गरिसक्नुपर्ने १५ दिनको समयावधि आज राति १२ बजेबाट नै समाप्त भइसकेको छ ।
