धनगढी । नेपाली सेनाको स्काई ट्रक ९ दिनदेखि अनशनमा रहेका डा. गोविन्द केसीलाई लिन धनगढी आएको छ ।
डा.केसीको पेटमा कडा खालको अल्सरको लक्षण देखिएपछि उपचारका लागि काठमाडौं लैजान नेपाली सेना धनगढी स्थित सेती प्रादेशिक अस्पताल पुगेको हो ।
कैलालीका प्रमुख जिल्ला अधिकारी किरण थापासहितको टोलीले केसीलाई उपचारका लागि काठमाडौं जान आग्रह गरेका थिए । तर केसीले साफ ईन्कार गरेका छन् । आफूलाई जटिल समस्या नभएकाले जबर्जस्ती नगर्न केसीले आग्रह समेत गरेका छन् ।
अस्पतालले केसीको स्वास्थ्यमा थप जटिलता हुनसक्ने चेतावनी दिएको छ । केसीको मांशपेसी सुक्दै गएको भन्दै अस्पतालले अल्सरका कारण रक्तस्राब भएको हुनसक्ने आशंका गरेको छ ।
