काठमाडौं । काठमाडौंको गोठाटारमा कपडा व्यवसायी ५५ वर्षीय लाल मोहम्मदलाई गोली हान्नेहरु ३ दिनदेखि नजिकैको होटलमा बसेको पाइएको छ ।
घटनास्थलबाट चार सय मिटर अगाडिको कोशीपारि गेष्ट हाउसमा बसेको अनुसन्धानमा खटिएको प्रहरी श्रोतले जनाएको छ । प्रहरीको अनुसार गोली हान्ने समूहमा ३ जना सामेल रहेका पाईएको छ ।
सर्लाहीहरिवन–२ का ५५ वर्षीय कपडा व्यवसायी लाल मोहम्मदको कागेश्वरी मनोहरा नगरपालिका–८, गोठाटारमा सोमबार साँझ गोली हानी हत्या भएको थियो ।
प्रहरीको अनुसार गोली हान्ने समूहले एक महिनादेखि लाल मोहम्मदलाई पछ्याइरहेको थियो।
लाल मोहमदले लेनदेनका कारण केही व्यक्तिले धम्की दिएको र आफू असुरक्षित भएको भन्दै एक महिनाअघि नै प्रहरी बिट जम्मु डाँडामा निवेदन दिएका थिए ।
