• १० श्रावण २०८१, बिहीबार
  •      Thu Jul 25 2024
  •   Unicode
Logo

सनको ह्याट्रिकमा टोटेनहमको सानदार जित, लेस्टरको पोस्टमा हान्यो आधा दर्जन गोल



एजेन्सी । इंग्लिस प्रिमियर लिग फुटबल अन्तर्गत टोटेनहमले सानदार जित निकालेको छ । शनिबार राति सम्पन्न खेलमा टोटेनहमले घरेलु मैदानमा लेस्टर सिटीविरुद्ध ६–२ गोलको जित निकालेको हो ।

टोटेनहमको जितमा सन हेउंग मिनले ह्याट्रिक गरे भने ह्यारी केन, एरिक डाएर र राड्रिगो बेन्टान्करले एक–एक गोल गरे । लेस्टरका योरी टिलेमान्स र जेम्स म्याडिसनले एक–एक गोल फर्काए ।

खेलको छैटौं मिनेटमा टिलेमान्सले पेनाल्टीमार्फत गोल गर्दै लेस्टरलाई सुरुवाती अग्रतम दिलाएका थिए । ८ औं मिनेटमा केनले गोल गर्दै टोटेनहमलाई १–१ को बराबरीमा ल्याए ।

२१ औं मिनेटमा डाएरले गोल गर्दै टोटेनहमलाई २–१ को अग्रता बनाए । ४१ औं मिनेटमा म्याडिसनले गोल गर्दै लेस्टरलाई २–२ को बराबरी स्थितीमा ल्याए ।

पहिलो हाफमा बराबरीमा सकिएको खेल देस्रो हाफमा भने टोटेनहमले एकपक्ष बनायो । ४७ औं मिनेटमा बेन्टान्करले गोल गर्दै टोटेनहमलाई ३–२ को अबस्थामा लगे । यस्तै, सनले ७३,८४ र ८६ औं मिनेटमा ह्याट्रिक गर्दै टोटेनहमलाई जित दिलाए ।

जितसँगै ७ खेलबाट १७ अंक जोड्दै टोटेनहम तालिकाको दोस्रो स्थानमा उक्लिएको छ । लेस्टर १ अंकसहित तालिकाको पुछारमा रहेको छ ।