एजेन्सी । थाइल्यान्डमा एक कार्यकर्तालाई थाई रानीको जस्तो पहिरन लगाएर राजतन्त्रको अपमान गरेको भन्दै दुई वर्षको जेल सजाय सुनाइएको छ ।
सन् २०२० मा बैंककमा भएको राजनीतिक प्रदर्शनमा २५ वर्षीया जाटुपोर्न ‘न्यु’साओउङले गुलाबी रंगको पोसाक लगाएकी थिइन् ।
थाइल्यान्डमा कुख्यात कानुन छ, जसले प्रभावकारी रूपमा राजा र अन्य शाही परिवारको आलोचना गर्न प्रतिबन्ध लगाएको छ ।
यद्यपि, उनले आफूमाथि लगाइएको शाही अपमानको आरोप अस्वीकार गरेकी छिन् । आफूले भर्खरै परम्परागत पोसाक लगाएको उनको दाबी छ ।
