• ७ श्रावण २०८१, सोमबार
  •      Mon Jul 22 2024
  •   Unicode
Logo
Latest
★   काठमाडौंमा भारी वर्षा, तटीय क्षेत्रमा सतर्कता अपनाउन आह्वान ★   अवरुद्ध बेनी–दरबाङ सडक दश दिनपछि खुल्यो ★   मधेश र कर्णालीबाहेकका प्रदेशमा आज भारी वर्षाको सम्भावना ★   चौतर्फी दबाबपछि अमेरिकी राष्ट्रपति दौडबाट पछि हटे बाइडेन, कमला ह्यारिसलाई समर्थन ★   एसिसी महिला एसिया कप: पाकिस्तानसँग नेपाल नौ विकेटले पराजित ★   काठमाडौंमा चिनियाँ जनमुक्ति सेनाको ९७ औं स्थापना दिवस ★   गुरूप्रति श्रद्धाभाव प्रकट गर्दै मनाइयो गुरू पूर्णिमा ★   ‘नयाँ सरकारले जनताको आशालाई विश्वासमा परिणत गर्नसक्छ’ ★   मैत्रीपूर्ण भलिबलमा रसियासँग नेपाल सोझो सेटमा पराजित ★   प्रहरी वृत्त नयाँबानेश्वरलाई एभरेस्ट अस्पतालबाट प्राथमिक उपचारको सामग्री

पाकिस्तानलाई हराउँदै श्रीलंकाले जित्यो एसिया कपको उपाधि



एजेन्सी । श्रीलंका छैटौं पटक एसिया कप च्याम्पियन बनेको छ । दुबईमा आइतबार राति भएको फाइनलमा पाकिस्तानलाई २३ रनले हराउँदै श्रीलंकाले उपाधि जितेको हो ।

दुबई अन्तराष्ट्रिय क्रिकेट मैदानमा श्रीलंकाले दिएको १ सय ७१ रनको लक्ष्यसहित जवाफी ब्याटिङ गरेको पाकिस्तानले २० ओभरमा अलआउट हुँदै १ सय ४७ रन मात्र बनाउन सक्यो ।

पाकिस्तानका कप्तान बाबर आजमले टस जितेर पहिले बलिङ गर्ने निर्णय गरे । पहिले ब्याटिङ गरेको श्रीलंकाले २० ओभरमा ६ विकेट गुमाएर १ सय ७० रन बनाएको थियो । भानुका राजपाक्षेले ७१ रनको अविजित इनिङ्स खेले ।

जवाफमा पाकिस्तानको टोली २० ओभरमा १४७ रनमा अलआउट भयो । पाकिस्तानका लागि मोहम्मद रिजवानले ४९ बलमा ५५ रन बनाए । श्रीलंकाको जितमा प्रमोद मदुशन र वानिन्दु हसरंगा नायक बने । मदुशनले चार र हसरंगाले एकै ओभरमा तीन विकेट लिए ।

श्रीलंकाले पहिलो पटक सन् १९८६ मा एसिया कपको उपाधि जितेको थियो । यसपछि टोलीले सन् १९९७, २००४, २००८, २०१४ र अहिले २०२२ मा उपाधि जितेको छ । भारतले यो उपाधि सबैभन्दा धेरै पटक जितेको छ । श्रीलंका अब भारतसँगको बराबरी गर्न एक उपाधि मात्र टाढा छ ।