काठमाडौं । नेकपा (माओवादी केन्द्र)का प्रवक्ता नारायणकाजी श्रेष्ठले पार्टीको प्रवक्तामा बस्न नचाहेको बताएका छन् । इतबार बसेको स्थायी कमिटी बैठकमा श्रेष्ठले आफ्नो पदलाई निरन्तरता दिन नचाहेको बताएका हुन्।
एक स्थायी कमिटी सदस्यका अनुसार प्रवक्ता श्रेष्ठले बैठकमा आफु कुनै हालतमा पनि प्रवक्तामा बस्न नचाहेको बताएपछि अध्यक्ष पुष्पकमल दाहाल प्रचण्डले अर्को बैठकबाट निर्णय गर्ने बताएका छन् ।
“उहाँ (नारायणकाजी श्रेष्ठ) ले कुनै हालतमा प्रवक्ता बस्दिनँ भन्नुभयो,” एक स्थायी कमिटी सदस्यले भने, “अध्यक्षज्यू (पुष्पकमल दाहाल प्रचण्ड) ले अर्को बैठकबाट निर्णय गरौं भन्नुभयो।”
“उहाँले कुनै हालतमा प्रवक्ता बस्दिनँ भन्नुभयो,” एक स्थायी कमिटी सदस्यले भने, “अध्यक्षज्यूले अर्को बैठकबाट निर्णय गरौं भन्नुभयो।”
तत्कालीन नेपाल कम्युनिष्ट पार्टी (नेकपा)को प्रवक्ता समेत रहेका श्रेष्ठ २३ फागुनको सर्वोच्च अदालतको फैसलापछि माओवादी प्रवक्ताको भूमिकामा छन्।
उनी नेकपाबाट निर्वाचित राष्ट्रिय सभा सदस्य हुन्।
